Balkan Talk нашрининг таъкидлашича, “Челси” клуби “Реал” томонидан ҳужумга учрамоқда. Маълуомтларга қараганда, мадридликлар ҳар қандай харажат эвазига “аристократлар” ҳимоячиси Рис Жеймсни қўлга киритмоқчи бўляпти. “Қироллик клуби” президенти Флорентино Перес Жеймни ўнг қанот ҳимоясида дунёнинг энг кучли футболчиси сифатида кўрмоқда ва уни олиб келиш учун бор имкониятини ишга солишга тайёрлигини яширмаяпти. “Челси” яқинда 22 ёшли футболчиси билан 2028 йилгача давом этадиган янги шартномани расмийлаштирди. Шунга қарамай, мадридликлар пул ҳамма нарсани ҳал қилишига ишонмоқда. Флорентино Перес режасини амалга ошириш учун трансфер суммаси 60 миллион еврога баҳоланаётган ўйинчини 120 миллион еврога сотиб олишни мўлжаллаяпти. Бундан ташқари, мадридликлар футболчининг ўзига катта маош ваъда қилмоқда.
