«OLX .uz»даги хонадон ижараси билан боғлиқ фирибгарлик
Тошкент шаҳар Янгиҳаёт туманида яшовчи, фуқаро М.Б. ариза билан мурожаат қилиб, «OLX .uz» платформасида ўзини «Жавоҳир» деб таништирган шахс Сергели туманидан ижарага хонадон олиб беришни ваъда қилиб унинг ишончига кириб, гаров сифатида 1.500.000 сўм пулни ўзлаштирганлиги, шундан сўнг платформадаги унинг аккаунти йўқолиб қолганлигини билдириб, фирибгарга нисбатан қонуний чора кўришликни сўраган.
Тезкор-қидирув тадбирлари натижасида фирибгарлик йўли билан пулларни ўзлаштирган шахс муқаддам Жиноят Кодексининг 267-моддаси билан судланган, вақтинча ишсиз, Сергели тумани яшовчи, 1995 й.т., Х.А. эканлиги аниқланган. Х.А.га нисбатан Жиноят Кодексининг 168-моддаси билан жиноят иши қўзғатилиб, тергов ҳаракатлари олиб борилмоқда.