პალესტინელთა ექსტრემისტული ჯგუფი ისრაელს ადანაშაულებს მაღალი რანგის წევრის მკვლელობაში
"ლომთა ბუნაგის" სახელით ცნობილი ჯგუფის ლიდერი, ტამერ კილანი დაიღუპა მასთან ახლოს მდებარე მოტოციკლზე დამონტაჟებული ბომბის აფეთქების შედეგად, 23 ოქტომბერს გამთენიისას. აფეთქება მოხდა ქალაქ ნაბლუსში, სადაც პალესტინელებსა და ისრაელის უსაფრთხოების ძალებს შორის თითქმის ყოველდღიურად ხდება შეტაკებები.
ისრაელის არმიამ უარი თქვა აფეთქების შესახებ განცხადების გაკეთებაზე და განაცხადა, რომ ის "მუდმივად მუშაობს ტერორის წინააღმდეგ".
ინციდენტის ფონია დაძაბულობა, რომელიც გაღრმავდა მარტიდან, ისრაელის ძალების მხრიდან დასავლეთის სანაპიროზე განხორციელებული ზეწოლის შემდეგ - რაც იყო პასუხი ისრაელზე პალესტინელების მიერ მიტანილ იერიშებზე.