Путин Си Цзиньпинни учинчи муддатга ХКП Бош котиби лавозимига қайта сайлангани билан табриклади
Россия президенти Владимир Путин Си Цзиньпинни учинчи муддатга Хитой Коммунистик партияси Бош котиби лавозимига қайта сайлангани билан табриклади.
Tелеграмм Кремль сайтида эълон қилинди.
“Ҳурматли жаноб Си Цзиньпин , Хитой Коммунистик партияси Марказий Қўмитаси Бош котиби лавозимига қайта сайланганингиз муносабати билан самимий табрикларимни қабул қилинг”, — дейилади табрикда.
Путин Россия ва Хитой ўртасидаги ҳар томонлама шериклик ва стратегик ҳамкорликни ривожлантириш бўйича конструктив мулоқот ва яқин ҳамкорликдаги ишлар давом этишига умид билдирди.