Ўзбекистонда сўнгги 9 ой ичида энг кўп ишлаб чиқарилган автомобиллар учлигига “Cobalt”, “Lacetti-Gentra”, “Damas” киради. Ўзбекистонда 2022 йилнинг январь-сентябрь ойларида энг кўп “Cobalt” автомобили ишлаб чиқарилган. Бу ҳақда Давлат статистика қўмитаси маълумотлари дарак бермоқда. Автомобиль ишлаб чиқариш саноатида 9 ойда ишлаб чиқарилган енгил автомобиллар сони: “Cobalt” - 69 816 дона; “Lacetti-Gentra” - 64 074 дона; “Damas” - 52 673 дона; “Nexia T-250” - 17 735 дона; “Spark” - 11 119 дона; Махсус енгил автомобиллар - 14 389 дона. 2022 йилнинг январь-сентябрь ойларида Ўзбекистон хорижий давлатлардан қиймати 564,1 млн долларга тенг бўлган 22 447 та енгил автомобил импорт қилган. Енгил автомобиллар импорти ўтган йилнинг мос даври билан солиштирилганда 4 430 тага ошган.
