Վերջին 15 րոպեներին ուժ չէր մնացել, բայց պետք է չմտածենք հաջորդ հանդիպման համար էներգիա պահելու մասին. Հենրիխ Մխիթարյանը՝ «Ինտեր»-ի հաղթանակի մասին
«Ինտեր»-ի կիսապաշտպան Հենրիխ Մխիթարյանը մեկնաբանել է Իտալիայի առաջնության 11-րդ տուրի խաղում «Ֆիորենտինայի» նկատմամբ 4:3 հաշվով հաղթանակը։ Թիմը հաղթել էր ավելացված վերջին րոպեին Մխիթարյանի խփած գոլի շնորհիվ։
«Ամենագլխավորը հաղթանակն է, կարևոր չէ, թե ով է խփել գոլը։ Գլխավորն այն է, որ վաստակեցինք կարևոր 3 միավոր։ Կարծում եմ՝ արժանի էինք հաղթանակի։ Մենք հզոր սկսեցինք խաղը, ընթացքում հոգնեցինք, բայց վերջում դրսևորեցինք բնավորություն և հաղթեցինք։
Գիտեինք՝ այստեղ հեշտ չի լինելու, քանի որ «Ֆիորենտինա»-ն ունի շատ որակներ, գրոհող թիմ է, նրանց դեմ միշտ բարդ է խաղալ։
Մենք պայքարեցինք մինչև վերջ և արժանի էինք այս հաղթանակին։
Վերջին 15 րոպեներին ուժ չէր մնացել, բայց ես ցանկանում էի շարունակել, պայքարել մինչև վերջ։ Մենք պետք է խաղանք առավել ուժող և չմտածենք հաջորդ հանդիպման համար էներգիա պահելու մասին»,- Մխիթարյանի խոսքը մեջբերել է Sky Sport Italia-ն։
Նշենք, որ սա Մխիթարյանի առաջին գոլն էր «Ինտեր»-ում: