Аслида ҳар бир инсон ҳужжатларига эътиборли бўлиши керак. Лекин ўз юртингда ҳужжатингни йўқотсанг ойлаб, йиллаб юришинг мумкин. Ўзингникилар, жа бўлмаганда жарима тўлайсан. Агар бу ҳолат мусофирликда бўлсачи? Сарсон бўлишинг ҳеч гап эмас. Афсуски, айрим элчихоналардаги ёмон хизмат кўрсатиш натижасида ўзимизникилар мусофирликда юрган юртдошларимизга жабр етказиб қўймоқда. Ахир, ассосиз ҳужжат талаб қилиш, ҳужжатларнинг узундан-узун рўйхати, нархининг қимматлиги ва ёмон муомала, сарсонгарчиликлардан ватандошларимиз чарчагани бор гап. Бу ҳақда бу каби вазиятга тушган мусофир юртдошларимиз билан суҳбатлашган ҳуқуқшунос Ботир Шермуҳаммад ўз муносабатини билдирди: “Консуллик йиғими бор. Буни тушуниш мумкин лекин бунчалик қиммат бўлиши нотўғри. Визадан, паспорт беришдан қанчадан-қанча маблағ топиляпти. Барча ҳаражатларни муҳожирлар ҳисобидан чиқариш тўғри эмас-да...” Манба: Azon.uz
