Настаўнік „Менска” Вадзім Скрыпчанка з’яўляецца асноўным кандыдатам на пасаду галоўнага трэнера зборнай Беларусі па футболе ў выпадку адстаўкі Георгія Кандрацьева. Пра гэта паведамляюць інсайдэры.
„Мінск” пад кіраўніцтвам Скрыпчанкі цяпер займае сёмае месца ў вышэйшай лізе, у актыве „гараджан” 34 ачкі ў 22 матчах.
Вячаслаў Глеб паступіў на курсы УЕФА для атрымання трэнерскай ліцэнзіі катэгорыі „А”
Экс-форвард зборнай Беларусі Вячаслаў Глеб паступіў на курсы УЕФА для атрымання трэнерскай ліцэнзіі катэгорыі „А”. Пра гэта распавяла яго жонка ў Інстаграме. Глеб-малодшы раней атрымаў ліцэнзію катэгорыі „В”. Апошнім клубам Вячаслава быў дзяржынскі „Арсенал”, за які ён выступаў у 2020 годзе.
Аляксей Протас перажыў першае скарачэнне ў „Вашынгтоне”
Беларускі форвард „Вашынгтона” Аляксей Протас не трапіў пад першы адсеў сталічнага амерыканскага клуба. „Вашынгтон” адправіў шасцярых хакеістаў у юніёрскія лігі, інфармуе прэс-служба клуба. Цяпер у трэніровачным лагеры „Кэпіталз” засталіся 62 гульцы.
Беларускі нападнік „Ванкувера” Даніла Клімовіч не трапіў пад першы адсеў „Кэнакс”. Канадскі клуб адправіў трох хакеістаў у юніёрскія лігі, а таксама яшчэ пецярых гульцоў вызваліў ад праглядальных кантрактаў, паведамляе прэс-служба клуба. У трэніровачным лагеры „Ванкувера” застаўся 51 хакеіст.
Ілля Івашка прабіўся ў другі раунд турніру АТП у Сафіі
Беларускі тэнісіст Ілля Івашка (N 71 АТП) у матчы 1/16 фіналу на турніры ў Сафіі перайграў шведа Мікаэля Імера (94) з лікам 7:6 (8), 4:6, 7:5. На стадыі 1/8 фіналу турніру ў Сафіі беларускі тэнісіст сустрэнецца з трэцім сеяным Грыгорам Дзімітравым (23) з Балгарыі.
Беларускае Радыё Рацыя
Artykuł Скрыпчанка – асноўны кандыдат на пасаду галоўнага трэнера зборнай Беларусі pochodzi z serwisu БЕЛАРУСКАЕ РАДЫЁ РАЦЫЯ.