Суперлиганинг 14-турида "Локомотив"га қарши ўйиндан кейин "Қизилқум" бош мураббийи Никола Лазаревич ўз фикрларини билдириб ўтди. - "Локомотив"ни ғалаба билан табриклайман. Менимча ўйин тенг ўтди, хатто голли вазиятлар яратишда ҳам. Шунчаки биз гол ура олмадик. Янги футболчилар "Локомотив"нинг ўйинини кучайтиргани кўриниб турибди: Сафаров, Жалолиддинов... Ўйин босимга бой бўлишини, кўп куч сарфланишини кутгандик. Ва биз яна бир бор стандартдан кейин гол ўтказиб юбордик. Бироз эътиборни йўқотиб қўйдик. Ўйинни кўриб чиқишимиз, хатоларни ўрганишимиз керак. - Сизда ажойиб асосий таркиб бор. Бироқ захира ўриндиғи жуда тор. Улар ўйинни кучайтира олишмаяпти. Давралар оралиғида янги футболчиларни олишни ўйлаб кўрмадингизми? - Биз истагандик, бироқ раҳбарият бунга рухсат бермади. - Ўйинга бўлган режа қандай эди? - Иккинчи рақам бўлиб ўйнаб, рақиб бизга қайси зоналарни очиб беришини кўрмоқчи эдик. Ўйин давомида тактикаларни ўзгартириб кўрдик. Рақиб жамоа бизга қанотларда бўшлиқлар таклиф қилишини кутгандик. Шу сабабли 4-5-1 тактикасига ўтиб, икки қанот ярим ҳимоячиларини кўпроқ ҳужум қилишини истагандик. - Бугун Темурхўжа Абдухолиқов ўзини йўқотиб қўйгандек кўринмадими? - Темурхўжа - тажрибали, ажойиб футболчи. У биринчи давра тўпурари бўлди. Шунчаки барчада шундай ўйинлар бўладики, футболчи ўз даражасини кўрсата олмайди. Келаси ўйинда у яхшироқ ўйнайди, бунга шубхам йўқ.