Den belarusiske journalisten Iryna Slaunikava har blitt dømd til fem år i fengsel i Belarus, etter å ha vore varetektsfengsla sidan 30. oktober 2021, melder nyhendemedia Belsat.
Slaunikava blei funne skyldig på etter straffeloven artikkelen 342 for organisering og førebuing av handlingar som grovt krenka offentleg orden eller aktiv deltaking i dei, og artikkelen 361.1 for etablering eller deltaking i ei ekstremistisk formasjon.
Rettssaka blei hald bak lukka dører.
Dagen før dommen, sende belarusiske journalistar ei oppmoding til EU-kommisjonen med ei oppfordring om å innføra sanksjonar mot dei som forfølger journalistar i Belarus.
Etter oppløysinga av Sovjetunionen i 1991 har det vore ei markant nedgang i talet på avisutgivingar i Belarus. Innskrenkingar av pressefridommen har vore tydelege etter 1995, mellom anna med direkte forfølgingar av enkelte journalistar. Fleire hundre journalistar har rømt frå landet. Per i dag er 29 journalistar fengsla, ifølge Belsat.
