Dei mektige G7-landa Frankrike, Japan, Tyskland, Storbritannia, USA, Italia og Canada er kritiske til Kina sin respons etter den amerikanske kongressleiaren Nancy Pelosi sitt Taiwan-besøk.
– Det er ingen grunn til å bruke eit besøk som påskot for aggressiv militær aktivitet i Taiwan-området, skriv dei.
Kina varsla tysdag målretta militære operasjonar i havområdet rundt Taiwan. Det er no 27 fly frå det kinesiske flyvåpenet i det Taiwan definerer som si flyidentifiseringssone.
Landa uttalar at responsen til Kina risikerer å auke spenninga og destabilisere regionen.