شاهدان عینی می‌گویند، ساعت ۱۱:۳۰ پیش از چاشت در ساحهٔ کارته سخی کابل نیروهای طالبان با افراد مسلح درگیر شدند.
به گفته این شاهدان در ابتدا تیراندازی به گونهٔ پی هم و اکنون به گونهٔ پراکنده ادامه دارد.
وزارت داخلهٔ حکومت طالبان با تایید این خبر امروز چهارشنبه به رادیو آزادی می‌گوید، نیروهای امنیتی طالبان در یک بلند منزل به نام "برج کارتهٔ سخی" عملیات تصفیوی داشتند که از یک خانه بالای شان شلیک شد.
عبدالنافع تکور سخنگوی این وزارت گفت، خانهٔ مذکور تحت محاصرهٔ شدید قرار داشته و عملیات تصفیوی جریان دارد.
آقای تکور در مورد تلفات برخاسته از این حادثه تا اکنون چیزی نگفت.
مسئولیت حمله بر نیروهای حکومت طالبان را تاکنون هیچ گروهی بعهده نگرفته است.
