Падтрымка тайваньскай дэмакратыі: Пэласі патлумачыла, навошта прыляцела ў Тайбэй. Галасаванне па выбарах прэм'ера Брытаніі адклалі з-за рызыкі ўзлому. Прывід забастовак - польскія медсёстры хочуць павышэння заробкаў, у шпіталёў няма грошай.
Artykuł Візіт Пэласі – індыйцы вядуць адлік да пачатку вайны ЗША і Кітая pochodzi z serwisu БЕЛАРУСКАЕ РАДЫЁ РАЦЫЯ.
Падтрымка тайваньскай дэмакратыі: Пэласі патлумачыла, навошта прыляцела ў Тайбэй. Галасаванне па выбарах прэм’ера Брытаніі адклалі з-за рызыкі ўзлому. Прывід забастовак – польскія медсёстры хочуць павышэння заробкаў, у шпіталёў няма грошай. Падрабязнасці ў аглядзе сусветнай прэсы ад Антона Разумоўскага.
Візіт спікера Палаты прадстаўнікоў ЗША на Тайвань, за якім сочыць увесь свет, занепакоены тым, што візіт амерыканкі на востраў стане падставай для пачатку вайны, пачаўся, – піша украінскае выданне «Фокус». Яшчэ знаходзячыся ў аэрапорце, Нэнсі Пеласі растлумачыла, навошта прыбыла на Тайвань. Адразу пасля прызямлення самалёта ў аэрапорце Тайбэя Пэласі апублікавала твіт, у якім заявіла, што яе візіт з’яўляецца „сведчаннем прыхільнасці ЗША падтрымцы тайваньскай дэмакратыі” „Нашы перамовы з кіраўніцтвам Тайваня пацвярджаюць нашу падтрымку нашага партнёра і прасоўваюць нашы агульныя інтарэсы, у тым ліку прасоўванне свабоднага і адкрытага Інда-Ціхаакіянскага рэгіёну”, — падкрэсліла спікер Палаты прадстаўнікоў.
Кітай у сваю чргу лічыць Тайвань сваёй тэрыторыяй і заяўляе, што візіт Пэласі з’яўляецца парушэннем суверэнітэту і сігналам падтрымкі ЗША прыхільнікаў незалежнасці Тайваня. У адказ Кітай рыхтуецца да ваенных вучэнняў паблізу Тайваня. Паралельна з інфармацыяй аб баявых самалётах КНР у паветранай прасторы Тайваня з’явілася інфармацыя аб тым, што Кітай запускае кропкавую ваенную аперацыю ў адказ на візіт Нэнсі Пэласі на востраў. Напярэдадні ўвечары 24 баявыя самалёты з Кітая ўвайшлі ў паветраную прастору Тайваня. На індыйскім Тэлебачанні ўжо пачалі адлік да вайны паміж ЗША і Кітаем. Журналісты аднаго з індыйскіх тэлеканалаў вядуць эфір пад назвай „War breaking” на фоне прыбыцця самалёта з Нэнсі Пеласі ў Тайвань. Што спрабавалі сказаць індыйскія журналісты апошнім словазлучэннем незразумела, магчыма мелася на ўвазе выраз „War breaking out” („Вайна пачынаецца”).
Галасаванне па выбары новага прэм’ер-міністра Вялікабрытаніі перанесена з-за рызыкі ўзлому. Пра гэта паведамляе газета The Telegraph. Па дадзеных выдання, старт працэсу галасавання быў адкладзены пасля заявы Брытанскага цэнтра ўрадавай сувязі (GCHQ) аб магчымым хакерскім нападзе. Цэнтр адказвае за інфармацыйную абарону ўрада і ўзброеных сіл краіны. Перанос галасавання ўнёс карэктывы ў планы Кансерватыўнай партыі. Бюлетэні для галасавання па пошце, якія павінны былі пачаць паступаць сябрам Кансерватыўнай партыі з 1 жніўня, яшчэ не былі адпраўленыя. Захавалася магчымасць галасавання двума спосабамі – па пошце і анлайн. Аднак па анлайн-сістэме ўнікальны код кожнага чальца Кансерватыўнай партыі будзе дэактываваны пасля таго, як ён прагаласуе. Гэта азначае, што змяніць прынятае рашэнне будзе немагчыма. 20 ліпеня ў фінал барацьбы за пасаду прэм’ера Брытаніі выйшлі два кандыдаты — былы міністр фінансаў Вялікабрытаніі Рышы Сунак і дзейны кіраўнік міністэрства замежных спраў краіны Ліз Трас.
Тысячы медыцынскіх работнікаў могуць не атрымаць павышэнне заработнай платы, таму што ў большасці шпіталёў не хапае фінансаў. Піша польская «Gazeta Wyborcza». Над шпіталямі навісае прывід забастовак. Польская служба аховы здароўя зноў апынулася на краі прорвы. Пасля нядаўняга перагляду палажэнняў Міністэрствам аховы здароўя медсёстры і акушэркі пагражаюць зноў страйкаваць, бо адмаўляюцца пагадзіцца на дыспрапорцыі ў аплаце працы. Павышэння заробкаў патрабуюць прадстаўнікі розных галін, бо рэкордная інфляцыя б’е па ўсіх без выключэння.
З-за экстрэмальнай спякоты ў Іспаніі толькі ў ліпені памерлі больш за дзве тысячы чалавек, піша Elmundo. Па падліках Інстытута здароўя Карласа III, з прычыны празмерна высокай тэмпературы паветра ў краіне памерлі 2176 чалавек. Згодна з афіцыйнымі звесткамі, гэта самы высокі паказчык смяротнасці ў гэтым летнім месяцы з 2015 года. Прадстаўнік Таварыства сямейных лекараў і лекараў агульнай практыкі Іспаніі Ларэнца Арментэрас кажа, што часцей за ўсё людзі паміраюць з-за цеплавога ўдару. Ён можа аказваць негатыўны ўплыў адразу на некалькі органаў. Папярэджанне аб небяспецы ў сувязі з анамальна спякотным надвор’ем аб’яўлена ў большасці рэгіёнаў краіны. Сёлета Іспанія ўжо перажыла дзве хвалі спякоты, калі тэмпература паветра перавышала 40 градусаў Цэльсія на працягу некалькіх дзён запар. Больш за тое, з 11 па 17 ліпеня Іспанія стала краінай з самай высокай смяротнасцю ў Еўропе.
Беларускае Радыё Рацыя
Artykuł Візіт Пэласі – індыйцы вядуць адлік да пачатку вайны ЗША і Кітая pochodzi z serwisu БЕЛАРУСКАЕ РАДЫЁ РАЦЫЯ.
