Пра пачатак працы ЕЗ над сёмым пакетам санкцый паведаміў намеснік кіраўніка МЗС Польшчы Павел Яблонскі, перадае pap.pl.
Шосты пакет санкцый супраць Расеі, прыняты Саветам ЕЗ, з’яўляецца адным з найбольшых посьпехаў польскай дыпламатыі за апошнія гады, – заявіў Павел Яблонскі. На ягоную думку, гэтага пакуль недастаткова, але гэта перакрые грошы і магчымасці Уладзіміра Пуціна фінансаваць вайну.
На пытанне, ці пачалася ўжо праца над наступным пакетам санкцый, Яблонскі адказаў станоўча:
– Канешне так. Санкцыі павінны быць яшчэ больш жорсткімі – у кантэксце газу, які Расея ўсё яшчэ можа прадаваць, у кантэксце адключэння ўсіх расейскіх банкаў ад сістэмы SWIFT. Я кажу, у прыватнасці, пра „Газпромбанк”. Неабходна таксама ўвесці эмбарга на тэхналогіі, якія ўсё яшчэ могуць пастаўляцца ў Расею і выкарыстоўвацца ёю ў сваёй прамысловасці.
Прадстаўнік МЗС дадаў, што ў дадатак да афіцыйных санкцый неабходна канфіскацыя, а не толькі замарожванне, расейскіх актываў у Еўропе. „І праца над гэтым пытаннем ужо вядзецца”, – дадаў ён.
Artykuł ЕЗ пачаў працу над сёмым пакетам санкцый pochodzi z serwisu БЕЛАРУСКАЕ РАДЫЁ РАЦЫЯ.