Fleire fly er forseinka inn til Oslo lufthamn laurdag ettermiddag. Årsaka er køar og forseinkingar på flyplassar i andre land, grunna kritisk mangel på personell ved til dømes sikkerheitskontrollen og innsjekkinga.
Det fortel pressevakt i Avinor, Anna Langhammer.
Ho seier at situasjonen er annleis i Noreg, då myndigheitene her la opp til permittering heller enn å seia opp tilsette.
– Me oppfordrar dei som skal reisa frå flyplassar i Europa om å følga nøye med på informasjonen frå flyselskapet sitt, og gjerne lasta ned appen til flyplassen dei skal reisa til eller frå.