Кыйнау бәясен 771 мең сум итеп билгеләгән
Полиция бүлегендә кыйналган ир-ат матди зыян сыйфатында шуның кадәр акча сораган.
Казанның Вахитов районы судына аның дәгъвасы (иск) кергән. Ир-ат федераль ведомстволардан акча түләтүне мәҗбүр итүләрен сораган.
Бу хәл 2013 елның сентябрендә үк булган. Чистай участковые тоткарланган адәмгә тизрәк җинаятьне ачасы килү теләге белән тимер кастет белән биш тапкыр суккан булган. Участковый шартлы рәвештә 3,5 елга ирегеннән мәхрүм ителгән. Әлеге карар үз көченә кергән.