Әлмәттә Корбан бәйрәмендә махсус автобуслар йөриячәк
24 сентябрьдә Корбан бәйрәмен билгеләп үтәчәкбез. Гадәттәгечә, бу көнне Әлмәттә корбан чалу өчен Сабантуй мәйданына бару юлында махсус мәйданчык җиһазландырыла. Теләүчеләр шушында ук сарык алу мөмкинлеге дә тудырыла.
Бу көнне Үзәк мәчеттән иртәнге сәгать 7 дән корбан чалу урынына автобус йөриячәк. Бәйрәм намазы иртәнге сәгать 6 да тәмамлана, корбан чалу 7 сәгать 30 минутта башлана. Корбан бәйрәменә багышланган чаралар 13 сәгатьтән шәһәр паркында дәвам итәчәк.