Ижтимоий тармоқларда Нуробод туманидаги 41-умумтаълим мактаби 8-синф ўқувчиси «Бир миллион дастурчи» лойиҳаси доирасидаги IT танловининг туман босқичида ҳам, вилоят босқичида ҳам ғолиб бўлгани ва унга “эски ноутбук” берилгани бўйича хабар берган эди.
IT-парк ахборот хизматининг маълум қилишича, танлов ғолибларини тақдирлаш билан боғлиқ муаммо бартараф этилган кўринади.
Ижтимоий тармоқларда тарқалган видеолавҳада акс этган 15 ёшли Сардор Сатторов танловнинг туман босқичида ғолиб бўлиб, вилоят босқичига йўл олган, аммо совринли ўринни қўлга кирита олмаган. Ташкилотчилар томонидан йўл қўйилган хатолик туфайли унга ноутбук ўрнига смартфон совға қилинган.
Ушбу ҳолатга ойдинлик киритиш мақсадида вилоят ҳокимлигида матбуот анжумани ташкил этилиб, унда айбдорлар жазоланиши маълум қилинди.
«Ахборот технологиялари ва коммуникацияларини ривожлантириш вазирлиги кўмагида IT-парк делегацияси ҳам ўз навбатида ушбу ёш, умидли бўлажак мутахассислар билан суҳбатлашиб, келгусида фаолиятларини қўллаб-қувватлаш мақсадида уларга Python дастурлаш тили ва IT учун инглиз тили бўйича бепул курслар тақдим этди», – дейилади хабарда.
