Թուրքիան շարունակում է խաղաղության երաշխավոր լինել Բալկաններում. Էրդողանը նշել է՝ ինչ է ակնկալում Ալբանիայից
Թուրքիան, որն ավելի վաղ ներդրում էր ունեցել Բալկաններում խաղաղության և հանգստության ապահովման գործում, նախկինի պես շարունակում է մնալ տարածաշրջանում խաղաղության երաշխավոր երկրներից մեկը նաև ապագայում:
Ինչպես փոխանցում է «Անադոլու» գործակալությունը, այս մասին հայտարարել է երկրի նախագահ Ռեջեփ Թայիփ Էրդողանն Ալբանիայի վարչապետ Էդի Ռամայի հետ Տիրանայում կայացած համատեղ ասուլիսում:
Երկրի ղեկավարը նշել է նաև, որ Թուրքիան Ալբանիայից ակնկալում է առավել հստակ և վճռական, արագ քայլերի՝ ընդդեմ այդ երկրում Ֆեթուլլահ Գյուլենի ահաբեկչական կազմակերպության կառույցների: