Տեսախցիկները ֆիքսել են՝ ինչպես է Պյոտր Պորոշենկոն քնով անցել իր դեմ դատավարության ժամանակ (տեսանյութ)
Ուկրաինայի նախկին նախագահ Պյոտր Պորոշենկոն քնել է դատական նիստի ժամանակ, որի ընթացքում նրա նկատմամբ խափանման միջոց պետք է ընտրվեր: Համապատասխան կադրերը հրապարակել է NEXTA Live թելեգրամյան ալիքը:
Ինչպես փոխանցում է Gazeta.ru-ն, քննիչները նախկին նախագահին կասկածում են պետական դավաճանության մեջ Դոնեցկի և Լուգանսկի ինքնահռչակ ազգային հանրապետություններից 2014-2015 ածուխ գնելու պատճառով:
Ուկրաինայի օրենսդրության համաձայն՝ տվյալ միավորումներն ահաբեկչական կազմակերպություններ են համարվում, այդ իսկ պատճառով Պորոշենկոյի համագործակցությունը նրանց հետ դիտարկվում է որպես ահաբեկչության ֆինանսավորում:
Նախկին նախագահի դեմ գործ է հարուցվել Ուկրաինայի Քրեական օրենսգրքի «Ահաբեկչության ֆինանսավորում», «Պետական դավաճանություն» և «Ահաբեկչական կազմակերպության ստեղծում» հոդվածներով։ Պորոշենկոյին սպառնում է մինչև 15 տարվա ազատազրկում՝ գույքի բռնագրավմամբ կամ առանց դրա։ 2021 թվականի դեկտեմբերին քննիչները փորձել են նրան ծանուցագիր հանձնել, սակայն նախկին նախագահը անտեսել է դա և նույն օրը մեկնել Թուրքիա։ Պորոշենկոյի կուսակցությունը հայտնել է, որ իրենց առաջնորդը «նախապես ծրագրված դիվանագիտական շրջագայությամբ մեկնել է Թուրքիա և Լեհաստան»։