Кўп марта ишлатиладиган гипертовушли планерларни ҳавода учириш учун мўлжалланган Американинг гигант Roc икки кузовли самолёти ўзининг учинчи муваффақиятли синов парвозини амалга оширди. Бу ҳақда Stratolaunch Systems компанияси маълум қилган. Дунёдаги энг катта қанотли самолёт Калифорниядаги Мохаве чўлидаги аэродромдан ҳавога кўтарилган. Тўрт соатдан ортиқ вақт давомида у қарийб 6,7 минг метр баландликда турли парвоз маневрларини бажарди, дейилади хабарда. Икки корпусли, олти двигателли Stratolaunch самолётининг қанотлари узунлиги 117 метр, узунлиги эса 73 метрни ташкил қилади. Самолётнинг оғирлиги 230 тоннага етади, максимал учиш оғирлиги эса тахминан 590 тоннани ташкил қилади. Тўлиқ юкланган самолётнинг максимал парвоз масофаси 3,7 минг км. Самолёт Stratolaunch Systems компаниясининг «Talon-A» гипертовушли қайта ишлатиладиган планерлари учун фойдали юкларни орбитага етказиш мақсадида ҳаводан учириш платформаси сифатида синовдан ўтказилмоқда. Talon-A узунлиги 8,5 метр, кенглиги 3,4 метр ва оғирлиги 2,72 тоннани ташкил қилади. Компания маълумотларига кўра, жорий йилда гипертовушли планерга эга самолётнинг биринчи парвозини амалга ошириш режалаштирилган. Оғирлиги етти тоннагача бўлган Stratolaunch самолёти 13,7 минг метргача баландликда учиб, ўша ердан ракеталарни ташлаб юбориши мумкин, кейин эса ўз двигателлари ёрдамида орбитага чиқади. Ишлаб чиқувчиларнинг фикрига кўра, бу усул космик парвозлар нархини сезиларли даражада камайтиради, чунки у ракета ёқилғисини тежаш имконини беради. Эслатиб ўтамиз Stratolaunch самолётининг биринчи парвози 2019 йил 13 апрелда, иккинчиси 2021 йил 29 апрелда амалга оширилган.
