Ақмола облысында қолайсыз ауа райына байланысты екі жол бөлігі жабылды
Ақмола облысында қолайсыз ауа райына байланысты республикалық маңызы бар екі жол бөлігі жабылды, - деп хабарлайды Tengrinews.kz тілшісі "ҚазАвтоЖол" ҰК АҚ баспасөз қызметіне сілтеме жасап.
Ақмола облысында боран соғып, қар жауып, жолдың көрінбеуіне байланысты 16 қаңтар сағат 23:00-ден бастап Макинск - Ақсу - Торғай бөлігінде көліктің барлық түрлері үшін қозғалыс жабылды. (Макинск қаласы - Торғай ауылы), Екатеринбург - Алматы жолы (1114-1227 км, Жалтыр станциясы - Қажымұқан ауылы).
Сондай-ақ, 16 қаңтарда сағат 23.30-дан бастап боран соғып, қар жауып, жолдың көрінбеуіне байланысты республикалық маңызы бар жол бөлігі Екатеринбург-Алматы тас жолы (1229-1426 км, Нұр-Сұлтан қаласы - шекара) жолаушылар және жүк көліктерінің қозғалысына шектеу қойылды.
Министрлік төтенше жағдайдың алдын алу мақсатында көлік жүргізушілеріне алыс сапарға шықпауға кеңес берді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!