Алматы әкімдігі қызметкерлердің бір күндік жалақысын "Қазақстан халқына" қорына аударады
Алматы әкімдігі қызметкерлердің бір күндік жалақысын "Қазақстан халқына" қорына аударады. Бұл туралы Алматы әкімі Бақытжан Сағынтаев мәлімдеді, - деп хабарлайды Tengrinews.kz тілшісі.
"Қасым-Жомарт Кемелұлының 11 қаңтардағы Парламент Мәжілісі отырысында берген тапсырмасын орындау аясында "Қазақстан халқына" атты әлеуметтік қор құрылып, қор басшысы тағайындалды. Осыған байланысты Алматы әкімдігі қызметкерлерінің бір күндік жалақысын қорға жіберу туралы шешім шығарылды", - деп мәлімдеді Бақытжан Сағынтаев.
Еске салайық, 11 қаңтарда Мәжілісте сөйлеген Президент Қасым-Жомарт Тоқаев "Қазақстан халқына" қоғамдық әлеуметтік қорын құруды тапсырған болатын.
"Қазақстан халқына" қоры немен айналысады?
Кейін Президент тапсырмасымен құрылған "Қазақстан халқына" қоғамдық әлеуметтік қорының басшысы болып Болат Жәмішев тағайындалған еді.
Бұған дейін "Қазақстан халқына" қоғамдық қорында Қамқоршылық кеңестің жаңа құрамы сайланғаны хабарланды. Қамқоршылық кеңес құрамына белгілі қоғам және мемлекет қайраткерлері, азаматтық қоғам өкілдері, меценаттар және басқа да беделді азаматтар кірді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!