Зәйлеләр көчле шәхесне искә алачак
20 сентябрь, якшәмбе көнне, кичке сәгать 4тә “Энергетик” Мәдәният сараенда Зәй автоагрегат заводының элеккеге директоры Вадим Георгиевич Мишинны искә алу кичәсе була. Вадим Георгиевич арабыздан 2007 елда китте. Ул, көчле шәхес, оста җитәкче буларак, Зәй тарихында тирән эз калдырды. Күчеш чоры, тирән кризис елларында автоагрегат заводының эшләвен тәэмин итү, Зәйдә Яңа шәһәр бистәсе барлыкка килү аның исеме белән бәйле. Вадим Георгиевич мәдәният, сәнгатьтән дә читтә тормады, аның татар композиторлары җырларын русчага тәрҗемә итү осталыгы уникаль күренеш булды.
Кичәдә боларның барысы да хәтердә яңартылачак.