Каналлар үзгәргәндә...
Бу көннәрдә, телевидение каналлары үзгәрү турында канәгатьсезлек белдереп, редакциягә шалтыратулар ешайды. Моның сәбәпләрен түбәндәгечә аңлаттылар абонентларга хезмәт күрсәтү офисында. «Федераль закон нигезендә беренче 20 канал федераль булып исәпләнә һәм алар расланган план буенча урнаша. 14 сентябрьдән, законга үзгәрешләр кертелү сәбәпле, федераль каналлар саны 27гә әйләнде, кайберләренең тапшыру ешлыгы да үзгәрде. Бу көйсезлекләрне бетерү өчен абонентка офиска мөрәҗәгать итәргә, яки 88002500890 телефоны белән шалтыратырга кирәк. Каналларны көйләү эше вакытында бушлай башкарыла. Бүгенгә шәһәрдә 40 йортта шундый эш башкарылды».