د افغانستان د کرکټ تر ۱۹ کلنو کشره لوبډله په اسیایي جام لوبو کې سبا شنبه له متحده عربي اماراتو سره لوبېږي.
د کرکټ بورډ له خوا د ورکړل شوي مهالویش له مخې دا لوبه د افغانستان په وخت سهار نهه نیمې بجې پيلېږي.
پرون افغان لوبډلې په دې جام کې خپله لومړنۍ سیالي له پاکستان سره وکړه چې د پاکستان لوبډلې په څلورو ویکټو وګټله.
د افغانستان تر ۱۹ کلنو کشره لوبډله د ۱۹ کلنو په اسیایي جام کې درېیمه لوبه له هند سره کوي چې راتلونکې دوشنبې ته پلان شوې ده.