"Ғалам аруы - 2021" сұлулық байқауының Жапониядан келген қатысушысы Юри Ватанабе көрермендерге ұсынған образы үшін сынның астында қалды, - деп хабарлайды Tengrinews.kz тілшісі OBOZREVATEL сайтына сілтеме жасап.
26 жастағы модель дефилеге заманауи кимоно киіп шықты. Ол империя отбасының символы саналатын хризантема бейнеленген белдеу таққан. Киімді израильдік дизайнер Авиад Арик Херман жасаған.
Посмотреть эту публикацию в Instagram
Публикация от Juri Watanabe | 渡邉珠理 (@juriwatanabe_)
Пікір білдірушілерге оңнан солға қарай жабылған ұлттық костюм ұнамады. Жапонияда бұл әдіс дәстүрлі түрде марқұмдарға байланысты қолданылатыны белгілі болды. Олардың айтуынша, оның бұл образы - "Жапонияны қорлау".
"Менің ойымша, көйлек дизайнері Жапонияны білмейді. Басқа елдің мәдениетін білу және басқаларға құрмет көрсету - ең маңызды нәрсе", - деп жазды желі қолданушысы.
"Дизайнер өз идеясынан бас тартқанын қалаймын. Кимоно марқұмдарға қолданылатын жағына киілген. Хризантема - империя отбасының символы және дәл бұлай қолданылмайды. Менің ойымша, кейбіреулер бұл бейнені Жапонияға құрметсіздік деп санауы мүмкін", - деді тағы біреуі.
Сонымен қатар, байқауға қатысушы кеудесіндегі татиуровка үшін сынның астында қалды, бұған Жапонияда тыйым салынған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
