په بامیان کې یوه ډله ډاکټرانو ویلي، که په دغه ولایت کې د کرونا د تشخیص او درملنې روغتون بېرته فعال نه شي، یو انساني ناورین به رامنځته شي.
په دغه ولایت کې پرون یوه ډله ډاکټرانو په یوه اعتراض کې د دغه روغتون د بېرته فعالېدو غوښتنه وکړه.
دا غوښتنه داسې مهال کېږي چې روغتیايي متخصصان وايي، په افغانستان او ګاونډیو هېوادونو کې د کرونا وبا تازه څپه خپره شوې ده.
په همدې حال کې په افغانستان کې د روغتیا نړیوال سازمان ویلي چې کاپیسا کې د کرونا ویروس یا کووېډـ۱۹ ناروغۍ د تشخیص بل لابراتوار پرانیستل شو.
دغه سازمان پرون په یوه ټویټ کې ویلي چې له دې سره په افغانستان کې د کووېډـ۱۹ د لابراتوارونو شمېر ۳۵ ته ورسېد.
په افغانستان کې په ټوله کې د کرونا د مثبتو پېښو شمېر ۱۵۶زره ۳۰۷ ښوول کېږي، خو اټکل کېږي چې واقعي شمېر به خورا زیات وي.
