Qırımtatar siyasetçisi ve faali Nariman Celâlnıñ apiske alınmasına qarşı berilgen istinaf şikâyeti Aqmescit mahkemesinde oktâbrniñ 1-nde baqılacaq, dep bildirdi advokat Nikolay Polozov.
«İstinaf qurulışınıñ Nariman Celâlovnıñ apiske alınmasına qarşı berilgen şikâyetni baquv oturışuvı Qırım Yuqarı mahkemesinde oktâbrniñ 1-nde saat 12-de olacaq. Nariman Celâlov oturışuvda SİZOdan videokonferentsiya vastasınen iştirak etecek», – dep bildirdi Polozov Facebookta.
Polozovnıñ bildirgenine köre, Nariman Celâlov mahsus blokta tutula – tek tış dünyanen degil, diger mabüslernen bile bağı mümkün olğanı qadar sıñırlanğan SİZOnıñ mahsus bölüginde.
Bundan evel berilgen malümatqa köre, faalniñ qabaatlavı sertleştirildi, şimdi 20 yılğa qadar azatlıqtan marum etile bile. FSB, Nariman qabaatlanğan diversiya yapıluvına yardım etüvni diversiyada iştirak etüvge deñiştirip, qabaatlavnı sertleştirgen edi.
ABD OSCE missiyası Nariman Celâlnı ve üç doğmuş qardaş Ahtemovlarnı acele azat etmesine çağırğan edi.
ABD OSCE missiyası Nariman Celâlnı ve üç doğmuş qardaş Ahtemovlarnı acele azat etmesine çağırğan edi.