Solskjaer: Onun sözlərindən sonra leyhimizə penalti verilmir
Manchester United`in baş məşqçisi Ole Gunnar Solskjaer`ə “Ronaldo gəldikdən sonra daha çox penalti qazanmağa ümid edirsinizmi?” sualı verilib.
ONBİR norveçli mütəxəssisin bu suala verdiyi cavabı təqdim edir:
“Sadəcə haqq etdiyimizi almaq istəyirik. Son 2 matçda 3 penaltimiz verilməli idi. Ötən il bir baş məşqçi bizim penalti sayımız ilə maraqlanırdı. Ondan sonra leyhimizə penalti verilməsi çətinləşdi. Həmin baş məşqçinin açıqlamasından sonra penaltilərdə yaranan fərqi aydın şəkildə görə bilirəm”.
Qeyd edək ki, Solskjaer`in bəhs etdiyi çalışdırıcı Jürgen Klopp`dur. Alman mütəxəssis Manchester United`in son 2 ildə qazandığı penalti sayının Liverpool`un son 5 ildə qazandığı penalti sayından daha çox olduğunu bildirmişdi.