Ճապոնական լցանավը խարիսխ է գցել Կուրասիկի քաղաքի Միզուսիմա նավահանգստում՝ չնկատելով նավի դիմային հատվածում «գամված» սատկած կետի՝ 9,7 մ երկարությամբ մարմինը:
Ինչպես գրում է Daily Mail-ը, առափնյա անվտանգության ծառայության աշխատողներն անհապաղ կանչվել են այն բանից հետո, երբ մարդիկ նկատել են կետին:
Նախքան նավահանգիստ հասնելը լցանավը նավարկել է Խաղաղ օվկիանոսով և անձնակազմի խոսքով՝ իրենք գաղափար անգամ չեն ունեցել կետին հարվածելու մասին:
Միզուսիմայի առափնյա պահպանության ծառայության խոսնակն ասել է, որ իրենք երբեք նման բանի ականատես չեն եղել, և նման միջադեպի կրկնությունը կանխելու միջոցներ են ձեռնարկվում:
