Пойтахт Тошкентни иссиқлик билан таъминлаш Франция ширкатига топширилди
Расман билдирилишича, Тошкент шаҳар ҳокимлиги ва Осиё тараққиёт банки билан пойтахтни иссиқлик таъминоти билан таъминлашни давлат-хусусий шериклик шартлари асосида модернизация қилиш ва бошқарувга бериш лойиҳасини амалга оширади.
Осиё тараққиёт банки Тошкентни иссиқлик билан таъминлашни “Veolia Central & Eastern Europe” ширкатига топширишни тавсия қилган.
Лойиҳа концепцияси Вазирлар Маҳкамаси томонидан тасдиқланган ва Франция ширкати Ўзбекистон қонунчилигига мувофиқ юридик шахс сифатида рўйхатдан ўтказилган.
Осиё тараққиёт банки дастлабки 3 йил давомида лойиҳани амалга ошириш ҳамда мониторинг олиб бориш бўйича маслаҳатчи сифатида Тошкент шаҳар ҳокимлигига кўмаклашади.