Համացանցում տեսանյութ է հայտնվել՝ ինչպես է թալիբը «զվարճանում» Քաբուլի օդանավակայանում
«Թալիբան» ծայրահեղական շարժման ներկայացուցիչը որոշել է «զվարճանալ» Քաբուլի օդանավակայանում՝ նստած անցնելով ուղեբեռների համար նախատեսված փոխադրիչ գոտով: Համապատասխան տեսանյութը հրապարակել է Life.ru-ն:
Համացանցում հայտնված կադրերում երևում է, թե ինչպես է թալիբներից մեկը նստել ուղեբեռի համար նախատեսված ժապավենի վրա և հիացական բացականչություններով մտնում ուղեբեռի խցիկ:
Միևնույն ժամանակ երևում է, որ օդանավակայանի աշխատակիցը հանգիստ հետևում է տեղի ունեցողին և նույնիսկ օգնում է թալիբին մտնել փակ հատված: Սոցցանցի որոշ օգտատերեր կատակել են՝ ասելով, թե «թալիբները որոշել են խաղալ» կամ «սա տեղի օդանավակայանի վերջին փորձարկումն է զբոսաշրջիկների հոսքից առաջ»:
Տեսանյութն՝ այստեղ