Ռուսաստանի նախագահ Վլադիմիր Պուտինը ինքնամեկուսացման մեջ կմնա, քանի որ իր վարչակազմում շարունակում են կորոնավիրուսով հիվանդացության դեպքեր արձանագրվել: Ինչպես փոխանցում է Life.ru-ն, այս մասին լրագրողներին հայտնել է Կրեմլի մամուլի քարտուղար Դմիտրի Պեսկովը:
«Սա այնքան հարաբերական ինքնամեկուսացում է: Դա անձնական շփումների նվազեցում է: Տեսնում եք, որ թվերը մշտապես աճում են, շարունակվում են վարակման առանձին դեպքեր գրանցվել և՛ մամուլի ծառայության աշխատակիցների շրջանում, և՛ այլ բաժիններում: Այդ իսկ պատճառով նախազգուշական միջոցառումները չեն խանգարի»,- ասել է Պեսկովը:
Միևնույն ժամանակ վերջինս հավելել է, որ հարկադիր կարանտինը ոչ մի կերպ չի անդրադառնում ՌԴ նախագահի աշխատանքի արդյունավետության վրա:
Հիշեցնենք, որ ՌԴ ղեկավարը սեպտեմբերի 14-ից ինքնամեկուսացման ռեժիմի է անցել և բոլոր աշխատանքային հանդիպումներին մասնակցում է տեսակապի օգնությամբ:
