Күзетші COVID-19-дан қайтыс болған науқастың телефонын ұрлап кеткен
Теміртауда медициналық мекеменің күзетшісі COVID-19-дан қайтыс болған науқастың ұялы телефонын ұрлап кеткен, - деп хабарлайды Tengrinews.kz тілшісі Polisia.kz сайтына сілтеме жасап.
11 тамызда 67 жастағы қала тұрғыны Қарағанды облысы, Теміртау қаласының ПБ Старогород полиция бөліміне жүгінді. Ол медициналық мекемелердің бірінде белгісіз біреу коронавирус инфекциясынан қайтыс болған 65 жастағы әйелінің 70 мың теңге тұратын ұялы телефонын ұрлап кеткенін айтқан.
"Жедел іздестіру кезінде полицейлер күдіктіні - 33 жастағы ер адамды ұстады. Ол кінәсін мойындады. Айғақ - ұялы телефон тәркіленді. Күдікті медициналық мекемеде күзетші болып жұмыс істегені, ұсталардан бірнеше күн бұрын жұмыстан шығып кеткені анықталды", - деді Қарағанды облысы ПД басшысы Ерлан Файзуллин.
Сілтемесіз жаңалық оқисыз ба? Онда Telegram желісінде парақшамызға тіркеліңіз!