Жамбыл облысында ірі жол апаты болды: 6 адам қаза тапты
Жамбыл облысында ірі жол апаты болды, - деп хабарлайды Tengrinews.kz тілшісі Polisia.kz сайтына сілтеме жасап.
Сайт мәліметінше, 23 қыркүйекте сағат 06:00 шамасында Байзақ ауданының "Алматы-Ташкент" тасжолының 476 шақырымында Audi-А4 және Toyota Camry маркалы екі көлік соқтығысқан.
"Жол-көлік оқиғасы салдарынан 6 адам оқиға орнында қаза болды. Toyota Camry автокөлігінің екі жолаушысы түрлі жарақаттарымен ауруханаға жеткізілді", - делінген хабарламада.
Дерек бойынша ҚР ҚК-ның 345-бабы 4-бөлімі бойынша соталды тергеп-тексеру өндірісі басталды. Жол-көлік оқиғасы себебі анықталып жатыр, тиісті сараптамалар тағайындалды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!