Ամերիկացի գիտնականները կարծիք են հայտնել, որ կորոնավիրուսի «մյու» և «լյամբդա» հիմնամանրէները դուրս չեն մղի «դելտա» հիմնամանրէն: Ինչպես փոխանցում է «ՌԻԱ Նովոստի»-ն, վիրուսաբանների ուսումնասիրության արդյունքները հրապարակվել են Wall Street Journal ամսագրում:
ԱՀԿ ներկայացուցիչ Մելիտա Վույնովիչն ավելի վաղ հայտարարել էր, որ Առողջապահության համաշխարհային կազմակերպությունն ուսումնասիրում է հարցն այն մասին, թե որքանով կարող է կորոնավիրուսի «լյամբդա» հիմնամանրէն ավելի վարակիչ լինել, քանի կորոնավիրուսի մյուս տեսակները:
ԱՄՆ գլխավոր համաճարակաբան Էնթոնի Ֆաուչին տեղեկացրել է, որ նոր «մյու» հիմնամանրէն որոշակի մուտացիաների պարագայում կարող է շրջանցել որոշ հակամարմինների պաշտպանությունը:
Վիրուսաբանների կարծիքով՝ «Քովիդ-19»-ի նոր ալիքների ի հայտ գալու պարագայում իշխող տեսակն, ամենայն հավանականությամբ, կլինի «դելտան» կամ դրա հիմնամանրէները, քանի որ այն շատ ավելի վարակիչ է:
«Դեռևս ոչինչ չի կարողացել համեմատվել «դելտա»-ի հետ»,-աղբյուրը մեջբերում է վիրուսաբան Թրևոր Բեդֆորդին:
