Superstjerna Lionel Messi seier sommarens Copa America-triumf var heilt spesiell for han etter skuldingar om at han var mislykka på landslaget.
Messi har vunne det som er å vinne på klubbnivå, men mangla ein internasjonal tittel fram til i sommar. Etter finalen mot Brasil kunne han endeleg få Copa America-tittelen etter tre finaletap. Messi har òg tapt VM-finalen i 2014.
– Etter så mykje liding var det spesielt å løfte eit trofé med landslaget. Alt eg har vunne, er viktig, eg har vore heldig som har vunne mykje med klubben. Men på landslaget var det nedtur etter nedtur. Det gjorde det meir viktig. Det kosta mykje å komme dit, seier Messi.
– Det har vore nokre journalistar som behandla meg som om eg var mislykka og ikkje gav alt for landslaget, seier argentinaren.
