Ադրբեջանի «ազգային հերոսին» դանակահարել են՝ պարտքով գումար չտալու համար
Հարձակում է կատարվել Ադրբեջանի «ազգային հերոս» Ռասիմ Աքպերովի վրա: Այս մասին հայտնում են ադրբեջանական ԶԼՄ-ները:
Միջադեպը տեղի ունեցել Ադրբեջանի Գերանբոյ քաղաքի կենտրոնում՝ թեյարանում: Հարձակվողը դանակով 4 հարված է հասցրել Աքպերովին, հայտնել է նրա որդին՝ Աղա Աքպերովը:
Ռասիմ Աքպերովը Գանձակի կլինիկական հիվանդանոցի վերակենդանացման բաժանմունքում է, վիճակը գնահատվում է ծանր:
Նախնական տվյալներով՝ դանակահարողը՝ Խալիկ Մամեդովը, բնակիչների շրջանում հայտնի է որպես թմրանյութ օգտագործող անձ:
Մամեդովը պարտքով գումար է խնդրել Աքպերովից, եւ մերժում ստանալով՝ դանակի մի քանի հարված է հասցրել «ազգային հերոսին», որից հետո հանձնվել ոստիկանությանը:
Խալիկ Մամեդովը ձերբակալվել է, կատարվում է քննություն:
The post Ադրբեջանի «ազգային հերոսին» դանակահարել են՝ պարտքով գումար չտալու համար appeared first on ԳԱԼԱ.