Avgustnıñ 28-nde, Herson vilâyetinden Qırım tarafına Ukraina birlik bayrağı uçurıldı. Aktsiya Ukraina mustaqilliginiñ 30-ncı yıldönümine ve "Qırım platforması"na bağışlanğan. Bunı Qırım.Aqiqat mühbiri haber etti.
Bayraqnı Kramatorsktan göñülli Oksana Muravlöva tikti. Bu, bir-birine tikilgen Ukraina ve qırımtatar bayrağıdır. Avgustnıñ 24-nde, Ukraina mustaqilligi kününde onı Kyivde Ukraina imayecileri yürüşinde alıp kettiler ve er istegen üzerinde Qırım sakinleri içün tilekler yazğan.
Teşkilâtçılarnıñ malümatına köre, aktsiyanıñ maqsadı işğal etilgen Qırımda yaşğan Ukraina vatandaşlarını desteklemek, Kreml siyasiy mabüsleriniñ azat etilmesi meselesine diqqat çekmek ve yarımadanıñ işğalden azat etilmesini yaqınlaştırmaq.
Qırımtatar faali, sabıq siyasiy mabüs İsmail Ramazanov qayd etti ki, aktsiyanıñ maqsadı bütün siyasiy mabüslerniñ azat etilmesine diqqat çekmek.
«Cebede ballarımız ömrüni telüke alıtna atıp, bayraqlarımıznı tikleyler, biz de rus işğalcige Qırım Ukraina olğanını kösteremiz», – dedi o.
