UEFA Konfrans Liqasında Qarabağ`la eyni qrupda yer alacaq Basel`in baş məşqçisi Patrick Rahmen püşkü dəyərləndirib.
ONBİR Nau`ya istinadən xəbər verir ki, 52 yaşlı mütəxəssis püşkdən narazı qalıb:
“Daha güclü və daha maraqlı rəqiblər gözləyirdik. Bu rəqiblərlə ev oyunları zamanı azarkeş yığa bilməyəcəyik. Rəqiblər azarkeşlərimizin marağına səbəb olacaq komandalar deyil. Bundan başqa, uzun səyahətlərdən sonra çempionatda vacib oyunlara çıxmalı olacağıq. Ancaq bu qrup növbəti mərhələyə yüksəlmək üçün yaxşı şansdır”.
Qeyd edək ki, H qrupunda Qarabağ və Basel`lə yanaşı, Omonia Nicosia və Kairat Almaty kimi klublarda da var.
