Finnmárkku politiijat ohcagohtet lahppon Nils Kristian Guttorma, gean navdet duššan, duorastaga iđida. Sii ožžot veahki Suoma politiijain geain leat ohcanbeatnagat mielde. Suoma politiijat servet veahkkin danin go Kriposis ja eará politiijaguovlluin Norggas ii lean kapasitehta veahkehit ohccámis.
Politiijat bivdet nai buot olbmuid guođđit ohcanguovllu Ásllat-Pier vári buohta otná rájes ja dássážii go gerget ohcamin.