Быел беренче мәртәбә белем йортына 78 бала аяк баса икән. Гимназиядә барысы 564 укучы белем алачак. Тәбрикләү сүзе белән республикабыз кунагы да үз сүзләрен җиткерде. Муниципаль район башлыгы Илһам Валеев гимназиянең башка мәктәпләр арасында киләчәктә үрнәк булырлык коллектив булачагына өметләнүен белдерде.
Аннан район башлыгы Илһам Валеев Күгәрчен мәктәбендә узган бәйрәм тантанасында да булды. Бәйрәмгә шулай ук мәктәпнең элеккеге укучысы–Татарстан Республикасы Президенты каршындагы мәдәниятны үстерә Фонды директоры Нурия Хашимова да кайткан иде. Бу көнне мәктәпнең уку алдынгыларына һәм көчле спортчыларына дипломнар, мактау кәгазьләре тапшырылды. Район башлыгы Күгәрчен мәктәбе коллективының укуда һәм спортта ирешкән уңышларыннан кәнагәть булуын белдерде.