د افغانستان دفاع وزارت وایي په بدخشان کې ۱۷ طالبان وژل شوي او ۱۹ نور ټپیان دي.
د دغه وزارت یوه ویاند فواد امان په خپل ټویټر په دې اړه یو بیان ورکړی.
امان ادعا کړې چې دا وسلهوال طالبان تېره شپه په کران او منجان ولسوالۍ کې د افغان ځواکونو او ولسي پاڅونوالو په بریدونو کې مړه او ټپیان شوي.
د بدخشان سیمهییزو چارواکو ویلي طالبانو له څلورو ورځو راهیسې د کران او منجان ولسوالۍ د مرکز د نیولو لپاره هڅې کولې.
د بدخشان د والي ویاند ادعا وکړه چې د تېرې شپې په حملو کې د طالبانو په ډله کې بهرني جنګیالي هم وژل شوي.
کران او منجان د بدخشان د مرکز فیضاباد په جَنوب کې پرته ولسوالي ده چې له پنجشېر او نورستان سره هم ګډې پولې لري.
د بدخشان له ۲۷ ولسوالیو اکثر د طالبانو په لاس کې دي.
