20։42
Նիկոլ Փաշինյանը այսօր Գավառում «Քաղաքացիական պայմանագիր» կուսակցության հանրահավաքի ժամանակ հայտարարեց Ադրբեջանից այսօր Հայաստանին փոխանցված 15 ռազմագերիներից 13-ի անունները։
Ստեփանյան Արթուր, Արմավիր
Էլիբեկյան Գեղամ, Արտաշատ
Սեդրակյան Ալեքսանդր, Արմավիր
Գասպարյան Էրիկ, Երևան
Բաբայան Սաշա, Մասիս
Անդրեասյան Արտակ, Էջմիածին
Խաչատրյան Էրիկ Մասիս
Սերունյան Նարեկ, Հրազդան, գյուղ Քաղսի
Պետրոսյան Սասուն, Ստեփանակերտ,
Սարգսյան Վրույր, Կոտայք
Բուդոյան Արմեն Գեղարքունիք
Հովհաննիսյան Բորիս Ալավերդի
Աբգարյան Արթուր, Արմավիր
19։09
2021 թվականի հունիսի 12-ին Ադրբեջանը Հայաստանին է վերադարձրել 15 գերեվարված հայերի՝ Հայաստանի կողմից դրա դիմաց ստանալով Աղդամի ականապատ դաշտերի քարտեզները:
Այս մասին տեղեկացնում է Trend.az կայքը` հղում տալով Ադրբեջանի ԱԳՆ հայտարարությանը:
Փոխանակումն անցկացվել է ադրբեջանա-վրացական սահմանին՝ Վրաստանի ներկայացուցիչների մասնակցությամբ:
Նշենք, որ Գեղարքունիքի մարզում «Քաղաքացիական պայմանագիր» կուսակցության քարոզարշավի ընթացքում լուրը հաստատել է նաև Նիկոլ Փաշինյանը։ «Մեր գերեվարված եղբայրներից 15-ը վերադառնում են ՀՀ»,– ասել է նա։ Փաշինյանն այլ մանրամասներ չի հայտնել՝ ընդգծելով, որ չեն կասկածում՝ բոլոր եղբայրներին վերադարձնելու են։
Փաշինյանի խոսքով՝ վերադարձող գերիները այժմ Հայաստանի ճանապարհին են, և նրանց՝ տեղ հասնելուց հետո կհայտնեն անունները։ «Ես ուզում եմ նախապես ներողություն խնդրել այն ընտանիքներից, որոնց զավակները այսօր չեն վերադառնում։ Ես հույս ունեմ, որ նրանք ըմբռնումով կմոտենան։ Սա է ճանապարհը, մենք խումբ-խումբ մեր եղբայրներին պետք է վերադարձնենք և մենք ամեն ինչ անում ենք այդ նպատակն իրագործելու համար»։
