Հունիսի Անդրանիկ Մարգարյանը դարձավ Հայաստանի տասներորդ վարչապետն այն ժամանակ, երբ երկիրը ցնցումների մեջ էր: Նա դիմեց այդ ռիսկին և իր ուսերին վերցրեց վարչապետի պարտականությունները:
Շատերը Մարգարյանի կառավարությունն անցումային էին դիտարկում՝ մտածելով, որ այն կարճատև կլինի, բայց 7 տարի մինչև իր անժամանակ մահը Մարգարյանը եղավ գործադիրի ղեկին:
Մարգարյանը հրաժարվեց երկրի վարչապետի համար նախատեսված պետական առանձնատնից և շարունակեց ընտանիքով բնակվել Ավանի իրենց բնակարանում:
Մասնագիտությամբ կիբերնետիկ-մաթեմատիկոս քաղաքական գործիչը խորհրդային տարիների գրաքննությունն ու սահմանափակումներն անտեսելով՝ եղել է ընդհատակյա գործող Ազգային միացյալ կուսակցության անդամ: Նա Հայաստանի անկախության համար պայքարել է դեռևս 60-ականներից, ինչի պատճառով ձերբակալվել և դատապարտվել է երկու տարվա բանտարկության, առաջադրված մեղադրանքը՝ խորհրդային վարչակարգի դեմ ընդվզումն էր:
Անդրանիկ Մարգարյանը նաև Հանրապետական կուսակցության հիմնադիրներից է: Երկար տարիներ եղել է նորանկախ Հայաստանի առաջին գրանցված կուսակցության խորհրդի նախագահը, հետո մինչև կյանքի վերջ զբաղեցրել ՀՀԿ նախագահի պաշտոնը:
Մանրամասները` տեսանյութում:
