Այսօր մենք Լոռվա մարզում աներևակայելի օր ենք անցկացրել և նաև այդ պատճառով մի քիչ ուշացել ենք: Այս մասին Վանաձորում ասաց Նիկոլ Փաշինյանը «Քաղաքացիական պայմանագիր» կուսակցության նախընտրական քարոզարշավի ժամանակ:
«Այստեղ հասնելուց առաջ տեղի ունեցավ խորհրդանշական իրադարձություն Մարցի խաչմերուկում, որտեղ Թումանյան խոշորացված համայնքի մի խումբ բնակիչներ մեզ հանձնեցին առաջին սիմվոլիկ պողպատյա մանդատը»,- ասաց Նիկոլ Փաշինյանը:
Նա նաև ընդգծեց՝ շատերին տրվել է հնարավորություն ժողովրդական Հայաստանում գտնվել ժողովրդին ծառայելու ձևը և միջոցները, բայց կան մարդիկ, որոնք փորձում են Հայաստանը դարձնել մի երկիր, որտեղ ոչ թե իշխանությունն է ծառայում ժողովրդին, այլ ժողովուրդը իշխանությանը:
«Հայաստանում հաստատված թավշյա իշխանությունը կփոխարինենք պողպատյա իշխանությամբ, բայց ես չեմ ուզում, որ մենք ափսոսանքի զգացում ունենանք սիրո և համերաշխության, մեր մոտեցման և թավշյա հեղափոխության վերաբերյալ»,- նշեց նա:
Մանրամասները՝ տեսանյութում:
