«Մանչեսթեր Սիթին» անակնկալ պարտություն կրեց «Բրայթոնից»՝ հաշվի մեջ առաջ լինելով 2 գնդակի առավելությամբ (տեսանյութ)
Անգլիայի Պրեմիեր Լիգայի 37-րդ տուրի շրջանակում չեմպիոնի կարգավիճակով «Մանչեսթեր Սիթին» հյուրընկալվելիս 2-3 հաշվով անակնկալ պարտություն կրեց «Բրայթոնից»:
2-րդ րոպեին «կապույտներին» առաջ մղեց Գյունդողանը: 11-րդ րոպեին «Սիթին» մնաց 10 հոգով. ուղիղ կարմիր քարտով հեռացվեց Կանսելուն: Երկրորդ խաղակեսի 3-րդ րոպեին Ֆոդենը երկրորդ գնդակն ուղարկեց տանտերերի դարպասը:
Հետո եկավ «Բրայթոնի» աստեղային ժամը: 50-ից 76-րդ րոպեների ընթացքում տանտերերը 3 գնդակ ուղարկեցին Էդերսոնի դարպասն ու հաղթեցին 3-2 հաշվով. աչքի ընկան Տրուսարդը, Վեբսթերն ու Բուրնը:
Այս հաղթանակից հետո «Բրայթոնը» 41 միավորով 15-րդն է, իսկ «Սիթին» մնաց 83 միավորով: