ملي اردو: فاریاب کې د ۳ پاکستانیانو په ګډون ۱۹ طالبان وژل شوي
۲۰۹ شاهین قول اردو نن سې شنبه (د غويي ۲۸مه) سهار په یوه خبرپاڼه کې ویلي چې دا وسله وال تېره ورځ مازیګر د پښتون کوټ ولسوالۍ په خواجه ناموسي سیمه کې هغه مهال په یو هوايي برید کې په نښه شول چې په فاریاب ولایت کې د حملو لپاره یې پلان جوړاوه.
خبرپاڼه زیاتوي چې په وژل شویو کې پر ۳ پاکستانيانو سربېره د بالامرغاب او المار لپاره نومول شوی ولسوال او د طالبانو څو نور مهم کسان هم شامل دي.
طالبانو په فاریاب کې د خپلو وسله والو د وژل کېدو په اړه ادعا نه رد کړې او نه یې تایید کړې ده.