Տրանսպորտի և կապի նախկին նախարար Գագիկ Բեգլարյանը, որը մայիսի 17-ին Մոսկվա-Երևան թիվ N չվերթի ինքնաթիռի ժամանումից հետո «Զվարթնոց» օդանավակայանից տեղափոխվել էր ԱԱԾ մեկուսարան, ազատ է արձակվել։ Այս մասին 24News-ին հայտնեցին ՀՀ գլխավոր դատախազությունից։ «Պաշտոնեական դիրքն օգտագործելով առանձնապես խոշոր չափերով գույք վատնելու, ինչպես նաև պաշտոնեական դիրքը ծառայության շահերին հակառակ օգտագործելու, ծանր հետևանքներ առաջացնելու համար ՀՀ քրեական օրենսգրքի 308-րդ հոդվածի 2-րդ …
The post Գագիկ Բեգլարյանը 50 միլիոն դրամ գրավի դիմաց ազատ է արձակվել appeared first on ԳԱԼԱ.
Տրանսպորտի և կապի նախկին նախարար Գագիկ Բեգլարյանը, որը մայիսի 17-ին Մոսկվա-Երևան թիվ N չվերթի ինքնաթիռի ժամանումից հետո «Զվարթնոց» օդանավակայանից տեղափոխվել էր ԱԱԾ մեկուսարան, ազատ է արձակվել։ Այս մասին 24News-ին հայտնեցին ՀՀ գլխավոր դատախազությունից։
«Պաշտոնեական դիրքն օգտագործելով առանձնապես խոշոր չափերով գույք վատնելու, ինչպես նաև պաշտոնեական դիրքը ծառայության շահերին հակառակ օգտագործելու, ծանր հետևանքներ առաջացնելու համար ՀՀ քրեական օրենսգրքի 308-րդ հոդվածի 2-րդ մասով և 179-րդ հոդվածի 3-րդ մասի 1-ին կետով նախատեսված հանցագործությունների կատարման մեջ մեղադրվող, հետախուզման մեջ գտնվող Գագիկ Բեգլարյանը սույն թվականի մայիսի 17-ին Մոսկվա-Երևան չվերթի ինքնաթիռով ժամանել է ՀՀ, ինքնակամ ներկայացել քրեական վարույթն իրականացնող մարմին, բացի այդ ՀՀ դատախազության դեպոզիտ է մուծվել առաջադրված մեղադրանքի համաձայն՝ պետության պատճառված վնասին համարժեք գումար:
Հաշվի առնելով նշված հանգամանքները՝ քրեական գործով նախաքննության օրինականության նկատմամբ հսկողություն իրականացնող դատախազի կողմից որոշում է կայացվել մեղադրյալ Գագիկ Բեգլարյանի նկատմամբ ընտրված խափանման միջոց կալանավորումը 50.000.000 (հիսուն միլիոն) ՀՀ դրամի չափով գրավով փոխելու մասին», — փոխանցեցին գլխավոր դատախազությունից։
The post Գագիկ Բեգլարյանը 50 միլիոն դրամ գրավի դիմաց ազատ է արձակվել appeared first on ԳԱԼԱ.
